1. Унасан ч босдог чанар
Уналт, босолт гэдэг 2 үг амжилттай салшгүй холбоотой гэнэ. Тоймгүй олон уналтын нэг том үр дүн бол амжилт. Тэд амжилтаасаа хамаагүй олон тоотой унасан байдаг. Уналт бүрээс нэг ухаарал, нэг мэдлэг, нэг туршлагыг олж аваад дахин босдог. Шинэ зүйлсийг турш, мэдэхгүй чадахгүй зүйлээ хий, ингэх тусам олон алдаа гаргана, алдаа бүхнээс суралцана, шороогоо гөвөөд л босоод байвал хожно. Амжилтанд хүрсэн хүмүүс нэгэнт уначихсан хойно гээд тэр чигтээ хэвтээд өгдөггүй заавал босдог чанартай.
2. Тууштай хичээл зүтгэл
Тэднийг нойлоос эхэлж байх үед ‘амжилтанд хүргэнэ’ гэсэн баталгаа хэн ч гаргаж өгөөгүй нь тодорхой. Тэд зүгээр л том амбицтай, гэхдээ зөвхөн санаархаад байдаггүй, тууштай хичээл зүтгэл гаргадаг, асар туйлбартай хүмүүс байдаг гэнэ.
Туйлбартай, туйлбаргүй гэдэг 2 зан амжилттай ба дундаж хүмүүсийн зааг болдог бөгөөд амжилттанууд аюул, эрсдэл тулгарч, амьтны элэг доог болсон ч бусдын нөлөөнд автдаггүй, зүгээр л зүтгэдэг.
Яст мэлхий туулай хоёрын үлгэрийг мэдэх үү. Ойн бүхий л амьтад уралдах болж. Яст мэлхий би бас уралдъя гээд иртэл, амьтад энэ одоо яахнав дээ гээд шоолцгоож, туулайг түрүүлэх нь тодорхой гэцгээж байж. Ингээд шүгэл тасхийж яст мэлхийг хөлөө зөөж ч амжаагүй байтал туулай шурдхийн, үнэг, чоно бүгд л хар хурдаараа давхин одов. Яст мэлхий тээр хойно үлдчихсэн л зүтгэж байна.
Замын хажуугаар үзэж байсан амьтад туулай түрүүлнэ гээд мөрийцөж байхыг туулай сонсоод, битүүхэн бардамнал төрж, ‘ингэж байдгаараа хичээгээд яахвэдээ яст мэлхий мэттэй’ гээд хэсэг амрахаар хэвтлээ. Гэтэл нэг хэсэг амьтад чоно түрүүлэх байх гээд ярьцгааж байхыг сонсоод огол харайн босч хамаг хурдаараа хэсэг харайлгав. Харайж байтал өөр хэсэг амьтад туулайг яст мэлхийтэй уралдуулдаг яасан шударга биш тэмцээн бэ, туулай түрүүлсэн ч хэн дэмжихэвдээ гэцгээж байхыг сонсоод нээрээ тийм ч юм уу гэж хэсэг бодсоноо сэтгэлээр унаж за байз ер нь яая даа, больдог ч юм уу гээд бодож суугаад нэг хартал яст мэлхий барианд орж байна гэнэ. Түрүүлсэн хойно нь яст мэлхий дүлий нэгэн байсныг мэдсэн гэдэг.