Энэ ном бол хувийн санхүүгийн талаарх ойлголтоо зузаатгаж, амьдралын турш үр шимээ өгөхүйц бэстселлэр. Номоос ойлгосон зүйлсийг товч дурьдвал:
Эхлээд өөртөө төл
Энэ юу гэсэн үг вэ. Ихэнх хүмүүс, ялангуяа залуучууд мөнгө олоод хамгийн түрүүнд шинэ загварын утас, хамгийн том инчийн ТВ сет, брэндийн цамц, цүнх гээд ганган, баян харагдахыг хүссэн, хэзээ ч дуусахгүй хэрэгцээнд зарцуулдаг нь амьддралынхаа турш санхүүгийн хараат амьдардгийн гол шалтгаан болдог гэнэ. Ёгтоор хэлбэл мөнгө олмогцоо тансаг зүйлс авч баячуудад хөрөнгө оруулж, өөрийнхөө кармаг хоосолж байдаг гэнэ. Дундаж нэгний мөнгөнд ханддаг хандлага нь өнөөдрийн хэрэгцээг хангадаг, ирээдүйн өгөөжийг тооцдоггүй байдал гэнэ.
Ийм төрлийн зардлыг liability буюу мөнгийг бууруулдаг, ирээдүйд үрждэггүй зүйлс гэж болно. Тэгэхээр юун түрүүнд мөнгөө юунд зарцуулж байгаадаа дүгнэлт хийх ёстой: ирээдүйд үржих зүйлд үү, дээрх төрлийн liability уу гэдэгт дүгнэлт хийх нь чухал гэнэ.
Ирээдүйд үржих зүйлд мөнгөө зарцуулахыг Investment гэнэ. Тэгэхээр зарцуулж буй зардлаа Liability & Investment гэж 2 ангилж харах хэрэгтэй.
Хуримтлал үүсгэ
Хэдийг ч олдог бай орлогынхоо хамгийн багадаа 10 хувийг хадгал гэж номонд зөвөлдөг. Болохгүй бол 5 хувь, болж байвал 20 хувь, орлого, боломжоосоо хамаарч энэ хэмжээ өөр өөр байж болно. Боломжтой болж байж хадгална гэдэг ойлголт чухамдаа хэрэгжихгүй бөгөөд амьдраад үлдсэнийг нь хадгална гэж байдаггүй, хадгалаад үлдсэнээр нь амьдар гэж сургана.