Тэгэхээр дээд боловролтой ч тарчиг амьдардагтай холбоотой нэг шалтгаан бол аль ч нийгэмд их дээд сургуульд санхүүгийн боловсрол олгодоггүйтэй холбоотой гэнэ. Хэрхэн мөнгийг үржүүлж, санхүүгийн хараат бус амьдрах талаар заадаг хичээл тэр бүр байдаггүй. Гэтэл ихэнх хүмүүс боловсролын системийг сайхан амьдрахад хэрэгтэй бүхнийг зааж, төгс боловсорсон иргэн төрүүлдэг газар гэж үздэг.

Тиймээ энд олон зүйлсийг заадаг. Анагаахын сургуульд эмч болоход хэрэгтэй мэдлэг, ур чадваруудыгыг, хуулийн сургуульд хэрхэн сайн хуульч болохыг сургана. Харамсалтай нь алийг нь ч онц төгссөн бай, мөнгөний ухааныг суралгүй төгсдөг гэнэ.

Маш сайн нягтлан мөнгийг хэрхэн зөв бүртгэж тайлагнахыг маш сайн мэддэг ч мөнгөний тухай мэдлэгтэй гэсэн үг биш гэнэ. Өөрөөр хэлбэл дээд боловсролтой, өндөр ур чадвартай мэргэжилтнүүд мөнгөний талаар мэдлэггүй нь төгссөн сургуульд мөнгө үржүүлэх ухааныг заадаггүйтэй холбоотой. Угаасаа ч албан боловсролын сургуулиудын үүрэг, зорилго энэ биш, харин хэрхэн сайн мэргэжилтэн, сайн ажилтан болгож бэлдэхэд чиглэдэг. Ийм учраас хичнээн олон жил сурсан, хэдэн ч диплом өвөртөлсөн бай үнэн хэрэгтээ мөнгөний талаар мэдлэггүй, мэдэхгүй учир олж, үржүүлж чаддаггүй гэнэ.

Шалтгаан 2: Олон хүн төгсмөгцөө боловсролгүй болж эхэлдэг

Албан боловсролоор амьдралд шаардлагатай бүгдийг сурах боломжгүй. Тэгэхээр яах ёстой вэ? Санхүүгийн боловсролтой болох. Мөнгөний тухай мэдлэг олгох сайн ном унш, сур мэд гэж зөвлөжээ. Боловсрол гэдэг зөвхөн лекцийн танхимаас аваад болчихдог зүйл биш, өдөр тутмын тасралтгүй процесс. Жинхэнэ боловсролтой хүн бол өдөр бүр уншдаг, суралцдаг. Боловсрол бол ус адил хэрэгцээтэй, хоол адил шимтэй зүйл. Усыг нэг л удаа уудаггүй, насан туршдаа уудагтай адил. Харамсалтай нь ихэнх хүний хувьд ийм биш тул дипломоо авсны маргаашнаас л боловсролгүй нэгэн болж эхэлдэг. Санхүүгийн философич Жим Рон “Боловсрол гэдэг бол сурсан зүйлээ амьдрал дээр хэрэгжүүлж баялаг болгон хувиргах явдал юм” гэсэн байдаг.

Шалтгаан 3: Сургууль таныг сайн албан хаагч болоход сургадаг.

Завгүй албан хаагч таны 8 цагийн үүрэгт ажил баялаг бүтээх бусад сувгууд, санхүүгийн хөшүүргүүдийг мэдэх, ашиглах боломжийг олгохгүй. Нэг толгой, хоёр гараараа хийдэг ажлынхаа ганц эх үүсвэрээр үлдсэн амьдрал, үр хүүхдээ тэжээх ирээдүй таныг хүлээнэ. Гэхдээ ийм замаар санхүүгийн эрх чөлөөнд хүрсэн хүн үгүй гэнэ. Санхүүгийн амжилтанд хүрсэн хүмүүс 10, 20 магадгүй түүнээс ч олон сувгаар орлогоо солонгоруулдаг. Нэгэнт тогтмол ажлын байр чинь танд 10 толгой, 50 сувгаар ажиллах боломж олгохгүй учир чинээлгүүд шиг санхүүтэй болж чадахгүй нь тодорхой.

Тэгэхээр та ажилдаа дуртай, мундаг мэргэжилтэн байж болно, энэ сайн хэрэг. Гэхдээ гол нь та тогтмол ажилтай нэгэн ч байсан хүсвэл санхүүгийн боловсролоо дээшлүүлж, хөрөнгө оруулалтын үр шимийг нь хүртэх урлагт суралцах боломжтой. Хоёр гараараа дуртай ажлаа хий, олон гараар дуртай мөнгөө ол.